«Уж ловзараш вай республике дӀадахьа лаьрхӀа хиларо хьагойт, вай къаман нах спортацара бувзам лакха лоархӀаш, спорт йоаржае ловш хилар. Вай къаман беркате хургйолаш проект я из. Иштта дӀахьоча ловзараша спорт езайолийт дуккхача кагирхошта, боккхийчарна», - дийцар «Сердало» газетага спорта гӀулакхах йолча министерствон болхлоша. «Кавказера ловзараш» яхача моттиго йовзийтаргья кавказерча къамай культура, истори, иштта кхыдараш а. Пайданедар дӀа-хьа эца а аьттув хургба гулбеннарий, чӀоагӀлургба юкъера барт.