ГӀалгӀайче хьалхарчарех я, дай-ноаной боллаше бой лоархӀача берий йоакхо еча даькъе
24.04.2025 16:10
ГӀалгӀайче хьалхарчарех я, вахара бой йоакхо яра даькъ тӀа. Цу тайпара хоам бир ше енача хана РФ Президента балха чуйоагӀаш йолча берий бокъонаш лораяра викала Львова-Белова Марияс.
Республикан Кулгалхочо Келаматанаькъан Махьмуд-Ӏаьлас из белгалдир укх деношка хиннача Парламента кхетаче.
Мехка кулгалхочо аьлар, из иштта хилар бахьан да вай мехка овлангара денз хьадоагӀа къаман Ӏадаташ бахархоша лорадеш хилар.
Келаматанаькъан Махьмуд-Ӏаьлас баркал аьлар доал дара даькъ тӀарча кулгалхошта, берий йоакхо еш йолча моттигий болхлошта из хьал иштта бехктокхаме теркалдарах. Цо тӀадиллар цу говзанчий болх паччахьалкхен совгӀаташца белгалбар.
