ГӀалгӀай къаман
юкъара газет

Кердадараш

Запорожски областе гIо де, ГIалгIайчера лораш бохийтаргба

ГIалгIайчера Запорожски областе вай гIо деш йолча кхале массехк лорал ду саг вохийтаргва.

Цига баха раьза барашта юкъе ба терапевташ, педиатраш, УЗИ йоаккха лор, царгий лор, лорий йижарий. Цар болх дIахьоргба дIа-юха лелаш йолча лорий шин тоабаца, яхаш, дийцар «Сердало» газетага республикан министрий кабинете. «Мукъадаьхача Россе доазонаш тIа кIезиг-кIезига баха ховшаш ба нах, шоай вахар тоадеш; бакъда дукха тIемца дувзаденна хатараш хиларах, нах цамогаш а ба, цхьадола лазараш гуча а дувл», — йоах хоамо. «Наха аргIанара лорий тIахьожам эш. ХIанз, эггара лораш цатоъаш йолча хана, болх беш болча цигарча лораша сатувс вай новкъосталга», — аьлар ГIалгIайчен унахцIенон министерствон кулгалхочо Антошканаькъан Заремас. ГIалгIайчен лораша цхьан бетта новкъостал дергда царна, дIахо цар шоаш белгалдергда шоай де дезар. Цига дIакхаьчача вай лораша лазараш гучадоахаш бола юкъара болх дIахьоргба, латташ дола хьал белгалдергда, эшаш дола новкъостал а дергда моттигерча лорашта.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде