Доаккхалца, сий дарца тӀаийцар ГӀалгӀайчено, ший цӀихеза воӀ Хьоашаланаькъан Султан. Из тӀема эпсар, Даьхенна ший вахар хетадаь, денала йиъ орден йола, хӀаьта укх деношка Даьхен турпалхой ди долаш Россе Президента Путин Владимира лаьрххӀача кхетаче Российски Федерацен Дошо седкъа бенна бӀухо ва.

Вай мехка а доазол арахьа а, дика довзаш да Хьоашаланаькъан Султана карагӀдаьнна тӀема толамаш. ГӀалгӀайчено доаккхал ду цу тайпарча нахах, цар цӀераш язъяьй дошоча алапашца республикан исторе тӀа меттел, ерригача Россен чухь а. Хьоашаланаькъан Султан, Россе Турпал везвеш хиннача кхетаче дакъа лоацаш яр, Цхьорой Ӏаддала цӀерагӀа Лоаман кадетий корпус, юкъарча балха викалаш, мехка бахархой. Цхьаккха юстара ца вусаш, дика хетарца тӀаийцар Россе Турпалхочунна, подполковника Хьоашаланаькъан Султана карагӀдаьннар. Цо деналца, майралца сий даьккхар ший ГӀалгӀайчен, вай боккха мохк тӀемах лорабе, цун истори чӀоагӀде шийгара доккха дакъа юкъедахьарца. Хьоашаланаькъан Султан вӀашагӀтехача мотострелкови даькъа чуйоагӀача артиллерена кулгал деш ва, гӀалгӀай къаман сийдола тӀема Ӏадаташ дӀахохьош ва, цун цӀи хезар Донбасс лораеш Россе тӀема операци дӀахьош. Вай Даьхе лораеш мел латтарашта дика масал да цун денал.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде