Бӏухошта гӀо деш, хӀамаш яхьийтар ГӀалгӀайчера
30.07.2025 09:47
Украинерча тӀема операце 58-ча эскара юкъе шоай декхараш кхоачашдеш болча бӀухошта терко лоаттаю вай республико. ТӀемхошта гӀо дахьийтар вайцигара. Россе Турпал вола Хьоашаланаькъан Султан вар, гӀалгӀай мехкара викалаш тӀаэцаш хиннар.
Карарча хана тӀема аренашка царна эшаш йола хӀамаш яр яхьийтараш. Вай мехкадас Келаматанаькъан Махьмуд-Ӏаьлас ший бувзама оагӀонашка белгалдир, тӀемахой хьаллацар тахан чӀоагӀа лоархӀаме долга.
«Вай къаман майра, деналах бизза бола къонгаш ба тахан Даьхе лораеш латтараш. Тахан цар дӀахьош бола никъ дуккханена масал да. БӀухошта эшар фуд хьожаш, цар хьашташ кхоачашдара тӀехьа къахьегаш, къаман бӀухоех доаккхал деш хургба мехкахой», - белгалдир республикан Кулгалхочо.
