Цу ахчах хьалъеш латта дешара фусам йистейоаккхаргья хьатӀадоагӀача шера бӀаьсти. Иштта из хьалъяь яьлча, Магасерча ишколашта тӀера мухь а дӀабаргба. «Вахар, шахьара хьалаш» яхача къаман проектага гӀолла хьалъеш я из. Кхозза вӀаштӀара яьча гӀишлон пхе даькъ тӀа, дешара а кхыйола а таронаш хургья.

Царех я дешара паргӀато луш йола кабинеташ: лаборатореш, къахьегама урок дӀаяхьара йола пхьоалле, спортивни, дешара ченаш, даар кийчду моттиг, хӀама юаш йола моттиг. Ишкола доазон тӀа спорта а салоӀама а лаьрхӀа майдаш хургья.

«Къаман проекташ кхоачашъяро дика хьалаш хьакхолл вай кагирхошка дешийта а бакъахьара кхетам бала а. Мехко кхоаненга боаккхаш бола лоархӀаме гӀа ба из, цо мел эша паргӀатонаш, кхерамзле Ӏалашъю берашка дика дешийтара», - белгалдаьккхар ГӀалгӀайчен кулгалхочо Келаматанаькъан Махьмуд-Ӏаьлас.