ГӏалгӀайче новкъостал деш я, Молочанска библиотека меттаоттаеш
16.10.2025 09:41
Запорожски областа Молочанске ГӏалгӀайчера баьхка гӀишлонхой хиларах, таро хилар шахьара библиотека тхов тоабе. Уж балхаш дӀахьош да, вай мехкарча царна новкъостал лоаттадара йолча программанна чудоагӀаш.
Кастлуш библиотеке дохьийтаргда аьшка-пластикан кораш. Цар таро лургья дика хьалаш хьакхолла болхлошта, дешархошта.
ГӏалгӀай Республикан Паччахьалкхен зарбан болх лелабераша яхачох, библиотеко кердабаьккхар ший болх карарча шера бӏаьсти, дешара зал косметически кепара тоаяьчул тӀехьагӀа. Из тоаярах цига таро хургья, даим дукхагӏа хулаш дола книжкаш лораде.
Библиотекан администраце ший оагӀорахьа баркал аьлар ГӏалгӀайчен гӀишлонхошта, иштта цар новкъостал лоаттадарах.
