Гӏалгӏайчено гойтар «Россе кхалнаьха дог» яхача фестивале вай культура
Гӏалгӏайчен викалаш дакъа лоацаш ба «Россе кхалнаьха дог» яхача Ерригроссийски кхоллама фестивале. Из дӏахьош я Майкопе. Цу майдан тӏа гулбелар, Къулбехьен, Даькъастен федеральни куран, иштта ДНР, ЛНР, 17 вурийтта моттигера СВО доакъашхой дезал. Фестиваль хетаеш яр Россе цхьоагӏон Шу хилара.
Республикера цига бахар лаьрххӏача тӏема операце доакъашхой, Даьхе бахьан долаш бейнача бӏухой дезал. Царна керте ва «Даьхен лорабой» ганза моттигерча филиала кулгалхо Абаьданаькъан Ислам.
Цар довзийт фестивала хьаьшашта гӏалгӏай къаман Ӏадаташ, культура. Цига гойта оттадаьд къаман тӏадувхаду, керта тӏа техка гӏирсаш, иштта кулгаговзала балхаш. Цул совгӏа, цига таро хургья бӏухой ноаноша, фусам-ноаноша кийчдаьча къаман даарех чам баккха.
Кхоллама программа дӏахьош дакъа лоацаш я «Сийг» яха иллей-халхара композици. Итта шу даьннача, СВО веннача бӏухочун йоӏа, Налганаькъан Рианнас ше язъяь, бӏухошта хетаяь байташ йийшар. Фестиваль кийчъяьр яр, «Даьхен бӏухой» Паччахьалкхен ганз.
Цу вӏашагӏкхетара маӏан дар, хӏанз СВО тӏема мугӏарашка латтача, цу даькъ тӏа бейнача, мичаб ца ховш болча бӏухой ноаношта, цар фусам-ноаношта гӏойле хургьяр дар: хьаллацар, къамаьл дар, иштта Россе халкъа Ӏадаташ, культура лораяр.
