ГӀалгӀай мехка хургья СКФО товараш арахецарий хьалхара ярмарка
19.03.2025 22:15
Магасе дӀахьоргья бекарга бетта 26-ча дийнахьа ярмарка, цо цхьан моттиге гулбергба къаман кулгаговзал йола пхьараш, йоккхача компаней викалаш. Хьаьшашта экологически цӀена товараш, тамашийна хоза хьамаш, иштта кӀадаш,тӀабувхабу гӀирс гойтаргба.
Цу кхетачено таро лургья мехка майдан тӀа шоашта карагӀдоалар гойта, иштта гӀулакхера бувзамаш хотта шоайла.
ГӀалгӀайчен Кулгалхочо Келаматанаькъан Махьмуд-Ӏаьлас белгалдир, цу тайпара ярмаркаш дӀакхахьар лоархӀаме долга, цар моттигера хӀама хьадераш хьаллоацаш хилар.
«Эцархошта а иштта дезаш да цу тайпара хьалаш: кхыча мехкашкара хьакхухьаш да теркам тӀаозаш дола дукхача моттигашкара товараш, уж шерагӀа доаржадеш хила деза, хӀана аьлча уж дӀадехаш хул берригача мехка боарам тӀа», - аьлар цо.
