СВО доакъашхой хьаллацар доаржаду мехкашта юкъе
Россе Герзашцарча низий министра Белоусов Андрейс тӀадиллар, моттигашка СВО доакъашхой гӏулакх а цар дезал а хьаллацар. ГӏалгӀайчен кулгалхочо Келаматанаькъан Махьмуд-Ӏаьлас аьлар, республика кийча хиларах цу юкъе дакъа лаца.
Мехкадас яхачох, дукха ха я ГӏалгӀай мехка бӀухошта, цар дезалашта новкъостал дара йола пайдане оагӀонаш вӀашагӀъехка.
«Вай дӀахьу хӀара даькъ тӀа бӀухой а цар дезал а хьаллоацаш бола болх, вахара паспорташка хьежжа, доал деча даькъ тӀа оттадеш долча. Цо таро лу хьалхашка нийслуш дола хаттараш кхоачашде», - аьлар цо.
Таханарча денга кхоачаш, республике 831 доакъашхо ва лаьтташ хьаийца, хӀаьта 620 бӀухой бераш берий бешамашка оттадаьд, аргӀагӏа доацаш. 1100 совгӀа бера мах боацаш даар лоаттаду, 682 бер ахкан хана лагерашка салоӀаш хилар.
Цул совгӀа, бӀаьш болча бӀухошта, цар дезалашта лорий новкъостал даьд, хӀаьта 1700 дезала цкъара луш дола ахча дӀаденнад, юкъара боарам лаьрхӏача 476 млн сом совгӀа.
