Къаман толамех йолча кхетаче дакъа лаьцар вай республико
«Росси» яхача гойтаме дӀахьоча «Культура» яхача денна чуйоагӀаш, къаман толамех йола кхетаче яр дӀахьош. Вай республикера цига дакъа лоацаш яр культуран гӀулакхах йолча министерствон кулгалхочун гӀонча йола Куртой Макка.
«Культуран вахаре къахьегарашта хьаэца боккха пайда болаш кхетаче яр из. Иштта йолча моттигашка мехкашта юкъера культураца дувзаденнараш чӀоагӀду, цхьацца кердадараш дӀа-хьа эца аьттув лу.
Теша лов, иштта йола кхетаченаш дӀахойодача хана а каст-каста дӀакхухьаргхиларах. Вай боккхача мехка культуран оагӀув хьаллаца эшаш я иштта йола моттигаш», - дийцар Куртой Маккас тха «Сердало» газетага. Культуран оагӀонца болх дӀахьош даьхача толамех дувцаш йола массане дакъа лоацаш йола сесси дӀайихьар цига.
Ший къамаьла юкъе цу оагӀонца хиннача доккхийча хувцамех, карагӀдаьннарех дийцар Россе культуран министерствон кулгалдеча Любимова Ольгас. Культураца дувзаденнача лоархӀамедарех, кхоачамбоацарех дийцар гулбеннараша.
