ГӏалгӀайчено тӀаийцар «Котало-2025 дӏахояхьара аргӀа»
ГӀаьбартой-Балкхаре гӀолла йолча Россе ФСБ Доазон тӀарча урхаллен викалаша ГӀалгӀайченга кхачийтар «Котало дӏахояхьара аргӀа». Карарча шера акци дӀахьош я, Сийлахь-боккхача Даьймехка тӀема Котало яьккха 80 шу дузаш.
Наьсар-Кертерча Сийлен, Дагалоаттама Мемориале дӀахьош хиннача кхетачене дакъа лоацаш вар ГӏалгӀай Республикан Паччахьалкхен премьер-министр Сластенин Владимир, ГӏалгӀай Республикан Халкъа Гуллама вице-премьер Хьаьшанаькъан Аза, ГӏалгӀай Республике гӀолла йолча ФСБ Доазон тӀарча урхаллен кулгалхо Синицын Вадим, иштта кхыбараш.
Белгалду, ГӏалгӀай мехка болам дӀахьоргба бекарга бетта 23-ча денга кхаччалца. АргӀа дӀахояхьара гӀулакха накъабахар МагӀалбике, болам чакхбаргба ЖӀайрахьа кхален Доазув лорадерий урхаллен деррига доакъош чулоацаш.
