Гӏалгӏай мехко дакъа лаьцар, Россе СК Правлене Пленума балха юкъе
Россе кинематогрофистий Союза Гӏалгӏай отделене кулгалхочо, республикан театра, кино, укх заман хьалий Центра керте латтача Зортанаькъан Мадинас дакъа лаьцар, РФ кинематографистий Союза Правлене Хӏӏ-ча Пленума балха юкъе. Из болх дӏахьош бар видеоконференци дӏахьош йолча кепара, цо таро елар мехка тайп-тайпарча моттигашкара нах вӏашагӏтоха.
«Кхетаче дӏахьош кулгал деш хилар Россе кинематографе кулгалхочун хьалхара заместитель Солоницына Лариса, председатела гӏонча Лаврентьев Клим.
Пленума доакъашхоша дийцар Россе кинематографистий Союза Хӏ-ча съезда керттера декхараш. Иштта дийцар организаце массаза беча балха даькъ тӏара хаттараш. Баьча балхах дувцаш йолча отчётага ладийгӏар, дӏахо де лерхӏар а белгалдир. Лоархӏаме дар да, Зортанаькъан Мадина чуйоагӏаш хилар Россе кинематографистий Союза Правлене Пленума, цо белгалду моттигера кинематографи, Россе юкъарча даькъ тӏа лакхлуш хилар», - аьлар Гӏалгӏайчен театра, кинон, укх заман хьала Центра зарбан болх лелабераша.
Зортанаькъан Мадинас баркал аьлар шийна иштта боккха тешам баларах, цо белгалдир, дика вӏашагӏбеллача балха таро хилар лакха толамаш даха. Эггара хьалха из да моттигера кинематографаш хьаллоацаш хилар, республике кинош арадахара хьал дика латташ хилар, иштта профессиональни юкъарлонца, Россе кхоллама говзанчашца бувзам чӏоагӏбар.
