Гӏалгӏайче дакъа лоацаш хилар, «Зӏамига даьхе - Россе низ» яхача Ерригроссийски кхетаче
Гӏалгӏайчен викалаш дакъа лоацаш хилар Москве дӏахьош йолча «Зӏамига Даьхе - Россе низ» яхача кхетаче. Цига дӏадихьар хьалхара республикан ди, из хетадаь дар зӏамига шахьараш, юртий доазонаш дегӏадоаладара. Вай республикера цига вахар Шолжа кхален кулгалхо Татенаькъан Ӏийса, Гӏажарий-Юртара Чакенаькъан Аслан, Берда-Юртара Гӏулой Мустафа.
«Сердало» газетага, Гӏалгӏайчен Паччахьалкхено ма аллара, из вӏашагӏкхетар дӏахьош дувца лаьрхӏа дош да юрташка бахача наьха вахара хьалаш тоадар, моттигера доазонаш лостам баь дегӏадоаладар, иштта доал дара даькъ тӏа нийслуш дола эггара лоархӏаме хаттараш кхоачашдар.
Из пайда луш дола къамаьл дӏадахьара гулбелар берригача мехка доал дара даькъ тӏара викалаш, иштта моттигашкара ӏаьдала болхлой.
Цига дакъа лоацаш яр Россе юртбоахама министр Лут Оксана, иштта Ерригроссийски доал дара доакъош дегӏадоаладара ассоциаце сопредседатель, моттигашкарча политиканна, моттигерча доал деча даькъ тӏара Госдума Комитета кулгалхо Гусева Ирина.
Доал деча даькъ тӏарча тоабай проекташта, царна бакъахьа хеташ юкъедаьхача хаттарашта керттера терко тӏаяхийтар. Республикаша юкъе мел доаладаь хаттараш тохкаргда ВАРМСУ говзанчаша, цу хаттарех долча федеральни боахамаша. Цул тӏехьагӏа, уж лаьрххӏа юкъедоахаргда кхетачен йоккха федеральни гуллум болаш дувцара. Из вӏашагӏкхетар дӏахьоргда 2027 шера, бекарга бетта.
