«ЦӀена тӀехье» яха ерригача Россе болам хьаллаьцар вай республико
Дешархой воча, дегӀа зе деча хӀамаех лорабара тӀехьа дӀахьош болча «ЦӀена тӀехье» яхача ерригача Россе болама юкъе дакъа лоацаш, «Эшац зе деш йола оамалаш» яха кхетаче дӀайихьар Магасерча лицее.
Кхетаченна доал даьраш бар шахьара администраце болхло, 18 шерга кхачанза долча берий гӀулакхех болча Магасерча ОМВД оагӀон болхло, лораш. Из хоам «Сердалога» бир шахьара администраце зарбан болх лелабераша. Дешархошка дийцар, мел доккха зе ду сага дегӀа, унахцӀенонна гӀаьле увзаро, корта бохабу малар меларо, наркомане. Цу воча, бусалба сага хьарам даьча хӀамаех мишта лоравала веза дийцар кхувш латтарашка. Лекци йистеяьлча, хьаьшашца шоашта ховчох дувцаш къамаьл дир дешархоша.
«Дешархой дика кхетадеш бар, малагӀа тайпа зе ду, воча оамалашта тӀехьаваьнна, ший вахар ийрчадаьккхача сага ший могашала. ГӀадвугаш дар цар из кхетадар», - белгалдир Магасерча администраце.
