ГӀалгӀайче дакъа лоацаш хургья, «Дагалоаттама беш» яхача болама юкъе
Карарча шера ГӀалгӀайче аргӀанара дакъа лоацаш хургья «Дагалоаттама беш» яхача боламе, из дӀахьош ба Сийлахь-боккха Даьймехка тӀом лаьттача шерашка шоай вахар Ӏодилларашта хетабаь. Из ха – Котало яьккха 80 шу дизар – тӀайоагӀаш, цу тайпара болам дӀабахьар лоархӀаме да.
ГӀалгӀай Республикан Кулгалхочун, Паччахьалкхен зарбан болх лелабераша яхачох, цу болама чудоагӀаш 87 эзар га дӀайогӀаргья хьун даькъ тӀа, иштта ГӀалгӀайчен нах бахача юрташка, тушола беттагара маьтсела беттага кхаччалца.
«Дагалоаттама беш» яха болам дӀахьош хиларца дувзаденна, МагӀалбике бекарга бетта юкъе дукха гаьнаш дӀайогӀа лерхӀ. ГӀалгӀайчен Кулгалхочо Келаматанаькъан Махьмуд-Ӏаьлас 300 га дӀайогӀача дакъа лоацаргда.
«Дунен тӀа сатем латтац, хӀара саг кийча хила веза ший Даьхе лорае. Даьхе езаш хиларо, ший мохк лорабе кийча хиларо хьакхолл вай дезалера мах бараш а», - аьлар Келаматанаькъан Махьмуд-Ӏаьлас.
