СВО доакъашхой дезалашта гӀо лоаттаду мехка
ТӀема операце бӀухой дезалашта новкъостал лоаттаду вай мехка. Эггара керттерчарех да цу юкъе, деша оттарашта гӀо дар.
Таханарча дийнахьа 700 гаргга дола бӀухой бераш берий бешамашка, ишколашка, колледжашка дешаш да. 599 бер да берий беша оттадаьр, царна юкъера 36 бер да дӀаваьнна да.
Иштта бӀухой 14 гаргарча сага берий беша болх бе моттигаш еннай. СВО доакъашхой 1089 бера дешара моттигашка бӀайха кхача лоаттабу.
Мехкадаь, Паччахьалкхен зарбан болх лелабераша белгалдечох, 49 бер, аргӀанга ца хьежадеш, ишколе дӀачуийцад, бӀухой фусамашкарча 29 сага дешара моттигашка болх беннаб.
Колледжашка дешаш болча студенташта дӀайха даа хӀама лоаттаду, ахча тела ца дезача моттигашка дӀаийцаб уж деша, хӀаьта ахча тела дезача дешаш барий, из дӀадалар сихдиц - тӀехьадоаккх, дӀадала аьттув луш.
СВО доакъашхой цӀагӀара 33 бер укх шера колледже деша эттад.
«СВО доакъашхой дезалашка массахана хоалуш хила деза, вай царна эшаш дола гӀо лоаттаде кийча долга. Республико эшаш дола новкъостал ца деш шоаш бутаргбоацилгах дог тийша хила беза цар даьй, ноаной», - белгалдир вай Мехкадас. Цо белгалдир, цу оагӀонцара болх мехка боаггӀача боараме дӀахьоргболга.
