Гӏалгӏайче новкъостал деш я, Токмакски кхале меттаоттаеча
Гӏалгӏайчера тахан аргӏанара гуманитарни новкъостал дахьийтар Запорожски областа Токмакски кхаленна. Из мухь вӏашагӏтехар Токмакски кхален администраце хьадайтача дехарах. Укх наькъа вӏашагӏтехар яр гӏишлон материал, из эшаш яр нах бахача гӏишлоний хьал сиха меттаоттадара.
«Кердача моттигашта новкъостал деш ба тахан беррига мохк. Из да Россе Президента Путин Владимира хьалхашка оттадаь декхар. Вай республика а я цу юкъе дакъа лоацаш, из болх вай дӏахо а дӏахьоргба», - аьлар Гӏалгӏай Республикан Кулгалхочо Келаматанаькъан Махьмуд-Ӏаьлас.
Новкъостал лоаттадара чӏоагӏо яьча хана денз, Токмакски кхале Гӏалгӏайчера 25 йоккха мухь кхухьаш йола машина яхийтар, гӏишлош еча эша материалаш, иштта хьалхарча аргӏагӏа эшаш дола новкъостал ийца.
Кердача мехкашка из болх дӏабахьарах, вай кулгалхоша шоай керттера декхар лоархӏ.
