СВО турпалхочун таьзет дӀадихьар ГӀалгӀай мехка
22.06.2024 18:17
МагӀалбике таьзет хилар, ЛаьрххӀача операцен доакъашхо Чуранаькъан Бахьаудин дӀаволлаш, из велар Украине тӀема декхар кхоачашдеш, яхаш, дувц «Сердало» газетага ГӀалгӀай Республикан Паччахьалкхено.
Таьзета баьхка хилар республикан Ӏаьдала викалаш, шоашта керте вице-премьер Йовлой Мухьмад а волаш.
Йовлой Мухьмада кодам бир Чуранаькъан Бахьаудина дезалга, цо иштта белгалдир, эшаш мел дола новкъостал цу дезала мехка кулгалхочо Келаматанаькъан Махьмуд-Ӏаьлас хулийтаргхилар.
«Бахьаудин, денал долаш, Даьхен нийсхон тӀехьа волаш, моастагӀчоа духьала латаш вар тӀема мугӀарашка; майрал гойта, сий долаш дӀа а вахар», - аьлар Йовлой Мухьмада.
