Палестинрча наха новкъостал дергдолаш я ГӀалгӀайче
Палестине хатар хинна боахкача наха новкъостал деча мехкашта юкъе я Росси. Царна гуманитарни мухь бахьийтара бола никъ хьабийллаб. Цунца дувзаденна, вай мехко цу балха юкъе ший дакъа хьоргда. ГӀалгӀайчен хьакимаша тӀадиллад, из болх вӀаштӀехьабаккхар, аьлар кулгалхочун, паччахьалкхен зарбан болх лелабераша.
«Цу лоархӀамеча, дикача гӀулакха юкъеваха йиш йолаш ва моллагӀа саг. Тахан тӀабувхабеча гӀирсаца, кхачанца, хьалхарча аргӀагӀа эшачунца новкъостал деш хилар - из вай царна де йиш йола эггара кӀезигӀа дар да, цу халача хьалашка бисача наха долча новкъосталах.
Палестине хӀара денна боабеш латт нах, царна юкъе ба кхалнах, маьрша нах, бераш, боккхий нах. ГӀалгӀайчен халкъ царна ламазаш деш да. Дикача хӀаман тӀехьа Дала барт цаӀ болба вай! Амин!» - йоах хоамо. Белгалдоаккх, Палестине латтача Израила къизалах лайчилла бетта ийслагӀча денга кхоачаш Газе боабаьча наьха таьрахь 10 812 сагага кхоач.
