Кастлуш, ГӀалгӀай мехка таханарча заман ӀТ-отель хургья, арахьара хьабоагӀача таьрахьий дегӀаахара Академе студенташта, хьехархошта лаьрхӀа йола гостиница хьаелларгья 2024 шера. Инновацей Ӏилма- технологически центре (ИНТЦ), дӀахьоргда, бизнес юкъе а йоаккхаш, наьха вахара хьалаш тоадара тӀадерзадаь тохкамаш. Технопарко таро хулийтаргья лакха технологи йола продукци, хьалаш тохкаш бола нах вӀашагӀтоха.

Цу тайпара балха дакъа хьакхоллаш хиларо, ГӀалгӀайче тӀахьехаргба Ӏилма юкъарлонна викалаш, технологей предпринимателаш, Россе тайп-тайпарча регионашкара инвестораш.

«Саькура бетта хьайийлла мах боацаш программироване болх Ӏомабе йиш йола «Ишкол-21» яха таьрахьий Академи хьаеллар- из дӀадолалур мара дац. ХӀанз ший болх дӀаболабеш я «ГӀалгӀайчен бизнес акселератор» - цу проекта декхар да гӀалгӀай предпринимателаш дика бизнес лелае Ӏамабар. Оаха таро лу хӀаранена, ший хьинарца вахар тоаде», - аьлар Гуцаранаькъан Микаила.