ГIалгIайче дакъа лоацаш я, Къилбаседа ХIирийче дIахьоча спортивни яхьашка
ГIалгIай Республикан кагирхой политиках, туризмах йолча Министерство дакъа лоац Къилбаседа ХIирийче дIахьоча спортивни яхьашка, уж хетаяьй РФ президента хоржамашта, яхаш, дийцар «Сердало» газетага кагирхой викалаша.
«Къилбаседа ХIирийче бехарах, цу кхетаче бахар Селий, ГIаьбартой-Балкхарой, ГIалгIай, Нохчий республикашкара тайп-тайпарча боахамий болхлой.
Вай мехкара цига хьоашалгIа баха хилар кагирхой керттерча цхьанкхетара болхлой, цар хьабахьа никъ бувзабенна ба наркоманеца, экстремизмаца къовсам лоаттабарца, кагирхой хьашташ кхоачашдарца, Даьхе езараш лерттIа кхебарца», - аьлар кепайоазон хоамо.
Вай ГIалгIайче дика дегIайоагIаш я вахара программаш, уж тIаерзаяь я вахаре нийслу зуламаш юхатохара бола болх кагирхошта юкъе дIабахьара. 20 совгIа проект я тахан кхоачашъеш кагирхошта лаьрхIа, каст-каста хьакхолл вахарца дувзаденна гойтамаш. Спорта даькъ тIа доахаш долча толамаша гIаддуг вай тахан. Кастлуш, цу тайпара яхьаш дIаяхьа лерхI «Авангард» яхача тIема кийчон центре», - аьлар патриотически кхетам балара отдела кулгалхочо Хьулахой Ахьмада.
