Россе Къулбехьен къамий спорта, культуран XVII Фестивале дакъа лоацаш я вай республика
Россе Къулбехьен къамий спорта, культуран XVII Фестивале дакъа лоацаш ба вай мехкара викалаш. Хьакхеллача дийнахьа денз, лоархӏаме моттиг дӏалаьца хьайоагӏаш проект я из. Укхаза я Къулбехьен, Даькъастен федеральни моттигий тоабаш. Мехка исторически республикашкара, иштта къамашта юкъе цӏихеза бола говзанчаш шоай кхоллам бовзийташ бар цига.
«Сердалога» культурани туризмаи гӏулакхех йолча Министерствера кхаьчача хоамах фестивала керттера декхар къамий спорта, ӏадатий культуран хӏама лорадарах, Россе Къулбехьен къамашта юкъера бувзам, барт чӏоагӏбарах латташ да.
Фестивала программа хьаеллаш араяьлар цига «Гӏалгӏайче» яха къаман халхара Паччахьалкхен ансамбль. Гӏалгӏай къаман ӏадатий хӏама довзийташ, болх хилар ала деза цох. Спортацара яхьаш, культуран оагӏонцара кхетаченаш хиларал совгӏа, «Дукхача къамаех латта Росси» яха къамий тоабай Ерригача Россе кхетаче йоаржайир цига. ӏилман, культуран оагӏонцара дукха хӏама дар цу кхетачен юкъе чулаьцар. Культуран оагӏонцара тӏехьале лораяра тӏехьа пайдане хургдараш, накъадаргдараш дӏа-хьа эцаш къахьега лаьрхӏа бар цига.
