Москве дӏахьоча Ерригача Россе къамий цхьоагӏон кхетачене дакъа лоацаш я вай республика
Укх бетта 2-3-ча деношка Москве дӏахьош йолча, «Россе къамаш» яхача Къамий кӏиран болх дӏаболабеча Ерригача Россе къамий цхьанкхетара кхетачене дакъа лоацаш ба вай мехкара викалаш, Миннаца кулгал деча Мизенаькъан Русланага хьалхале йолаш.
Цига дувцаргда халкъашта юкъера бувзам, машар, къамий метташ лорадарах, истори, ӏадаташ хьаллацарах. Боккхача мехка дахаш долча къамашцара барт чӏоагӏбара тӏехьа вай республико дӏахьоча балхах хьоахадергда цига.
Вай мехкара хьожабаьча викалашта юкъе ва Донецки, Лугански къамий республикашкара, Запорожски, Херсонски областашкара Гӏалгӏайчера викал вола Фаьрганаькъан Тӏахӏир, «Россе къамий Ассамблея» яхача республикерча оагӏон хьалха латта Бӏарахой Мадина.
Республикашка пайдане, дика хиннараш дӏа-хьа эцаш болх дӏахьоргба цига, иштта кердадараш юкъедоаладара тӏехьа къахьегаргда.
