«Укх шера ерригаш а, вай хьалъяь, дӀачулураш я 12 берий беш. Со тешаш ва укх тайпара вахара хьалаш хиларо ГӀалгӀайче дика дегӀайоалаергхиларах. Берий эша моттигаш дукхагӀа хулаш латтаро хьагойт, вай тӀехье ебаш латтилга. Из чӀоагӀа лоархӀаме а да», — аьлар ший телеграм-канале Махьмуд-Ӏаьлас. Белгалду, укх хоза хьалъяьча берий фусаме мел эшаш дола хьалаш долаш хилар. Долакоарча берашта, кагий долча хана денз, дешара наькъ тӀа довла таронаш лу цу дешо. Ашараш Ӏомае, спортаца ювзаенна унахцӀено тоае, дика гӀулакхаш Ӏомаде дика моттиг а я из. Цул совгӀа, даиман лакха говзал йолча хьехархой теркама юкъе хургба уж.