«ГӀалгӀайче 2023 шера «ЦӀенче, шахьара хьалаш» яха къаман проект кхоачашъеш, вахара пайдана йоаца фусамаш дӀайоахаш, ялх цӀагӀара 24 саг кхыча фусамашка дӀачувахийтар. Из беррига болх, нахагара шоай доалахьа йола фусамаш хьаийеш хиларца кхоачашбир»,-аьлар говзанчаша. «Къаман проекташ кхоачашъяра эггара лоархӀамедар да, йиллача хана из болх йистебаккхар. Нагахьа санна цхьаццадола бахьанаш юкъелийлха хуле а, йилла ха тӀехьаяккха мегаш яц. Из да болх лерттӀа дӀахьош хилар, тӀаийца декхараш дика кхоачашдеш хилар»,-аьлар ГӀалгӀай Республикан кулгалхочо Келаматанаькъан Махьмуд-Ӏаьлас, цу паччахьалкхен балха даькъ тӀарча декхарех, цун чаккхенах дувцаш. Цо белгалдир, цу проектах даьха толамаш, иштта тӀахьийхар кхыча даькъ тӀа, хьалхашка латта декхараш кхоачашдара. Из декхар кхоачашдара, республиканна 13 миллион сом хьожадаьд федеральни центро. Федеральни проекта керттера декхар кхоачашдаьд, ала йиш йолаш я ГӀалгӀайче. Карарча хана, вай мохк тишъеннача фусамашкара нах кердача фусамашка дӀачубига декхарийла йолча РФ субъекташта юкъе я. Цу наха баха сийрда, дика фусамаш хилийтара декхар да хьалхашка латтар. Берригача мехка гӀолла из болх йистебаккха безаш ба карарча шера.