РФ моттигашта юкъе, дегӀа зе деш йола оамалаш эггара кӀезигагӀа йоахкарех ба вай мохк
04.12.2023 10:04
РИА «Хоамаш» яхача оагӀоно баьча тохкамга хьежача, дегӀа зе деш йола оамалаш эггара кӀезигӀа лелаеча нахах ба вай мехкахой. «Сердало» газетага из хоам бир мехка кабминера.
«Ца эша оамалаш, кхыча моттигашка диллача, вай мехкарча нахах кӀезигагӀа яхкар дувзаденна да къаман Ӏадаташца, тхьовра денз хьайоагӀача оамалашца. Корта бохабу малар мелараш, гӀаьле увзараш вай мехка дуккха кӀезигагӀа ба.
Цу юкъе да наркотикашцара, иштта кхыдола зуламаш», - белгалду тохкама болх дӀабихьараша. Эггара чӀоагӀагӀа во оамалаш яьржа моттигаш - Хакаси, Жугтий автономни область, Камчатка я. Теркалде деза, во оамалаш геттара яржаш латтача моттигашта ханнахьа гӀо де дезилга.
