«Хьалхарбарий зӏамига Даьхе» яхача проекта хоржамашка 2-гӏа моттиг яьккхар вай республико
29.09.2025 13:21
«Хьалхарбарий зӏамига Даьхе» яхача проекта хоржамашка, шоллагӏа моттиг яьккхар Магасо. Из хоам «Сердалога» бир «Хьалхарбарий болам» яхача оагӏон доакъашхочо Налганаькъан Рамзана.
Хоржамашта тӏагӏолла Къилбаседа Кавказера дикагӏа йола кхо шахьар белгалйир проекта автораша. Хьалхарча моттиге эттар Дигора (Хӏирий мохк), шоллагӏча моттиге - Магас, хӏаьта кхоалагӏа моттиг Тебердайна (Къарший-Черсий мохк) елар.
Дӏахо, тоабан доакъашхоша цу моттигашта хетадаь зӏамига кинош кийчдергда. Ардара бетта хьалхарча дийнахьа 10 сахьат нийсса даьлча, дӏадолалургда Керттерча федеральни куран моттигашта ду тӏеххьара хоржамаш.
