«Ингушэнерго», республика, 7 эзар вахархочунна электроснабжени хилийтара хьал лакхдергда
«Россети Северный Кавказ» в рамках подготовки объектов электросетевого хозяйства Республики Ингушетия к осенне-зимнему периоду 2022/23 гг. ведут капитальный ремонт двухцепной высоковольтной воздушной линии электропередачи (ЛЭП), соединяющей центры питания 330 кВ и 110 кВ.
Шолха долхаш дола тока саьргаш-энергообъект, шин фазах дола саьргаш вIашагIкхеташ, цхьан тока бIоагIа тIа ши зIи йода (ялх тока саьрг).
110 кВ напряжени йола ЛЭП 20 километр совгIа йIаьха я, цо Iалашо ю Назрань-шахьара цхьа дакъа элетроэнергеца, иштта цу чу йоагIа: ТIой-Юрт, Долакха-Юрт, Наьсарен район.
Цо ца хаддаш болх беш хиларах тийша да, 71 эзар сага, иштта 82 социальни лоархIамеча урхаленашка электроснабженеца Iалашо яр.
Ара хаоттам телхача хана, шелал эттача хана, тока зIанара боагIашта тIабодаш бола низ лаьгIбара «Ингушэнерго» филиала энергетикаша массехк телха бIоагIий кердадоахаш, тоадеш бола болх дIахьо, иштта 9,5 бIаьха бола тока саьрг хувцаш а моттигаш нийслу. Из доацаш а, уллув хьатIаяьнна нувхаш дIайоахаш, наькъаш цIендеш дола балхаш а дIахо.
«Ремонтни программа кхоачашъеш дола, балхаш дIахьош да хIара шера. Ара шелал этта халача хьалашка, ца соцабеш даима шоашта тIадиллача даькъа тIа болх дIахьош лелаш ба энергетикаш. Иштта ца хилча наха а социальни лоархIамеча объекташка, ма эшшара, электроэнерги хургьяцар. Цунна балхах тийша да мехкара вахар социально-экономически дегIадар а. Цудухьа вайх тийша диссар, терко ца еш, дита йиш яц вай», — аьлар «Ингушэнерго» филиала кулгалхочо ТIоаршхой Рамазана.
Хьалхадоаккх, ГIалгIайчен «Россети Северный Кавказ» ремонтни компани дIаяхьара, карарча шера, 138,5 млн сом дIадохьийтаргда. Из 145% я, хIаьта ахча (82 млн сом) дукхагIа да 2021 шера хинначул.
