ГӀалгӀай къаман
юкъара газет

Кердадараш

Шаьме 22 тонн гуманитарни новкъостал дахьийтар

Власти Ингушетии отправили первый гуманитарный груз, состоящий из 22 тонн муки, жителям Сирии, пострадавшим от землетрясения. Ожидается, что уже завтра его доставят в пункт назначения, об этом информировал Главу Ингушетии Махмуда-Али Калиматова руководитель Миннаца республики Ваха Беков, сообщили газете «Сердало» в пресс-службе Главы РИ.

ЛаьрхӀача моттиге из дӀакхоачаргда кхоана, цунах хоам бир ГӀалгӀайчен кулгалхочунга Келаматанаькъан Махьмуд-Iаьлага республикан Миннаца кулгалхочо Беканаькъан Вахас, аьлар «Сердало» газетага ГӀалгӀай Республикан Кулгалхочун зарбана болх лелабераша.

«Ӏа тӀадиллача декхарах, республика дегӀаяра йолча Къаман фондерча ахчах 22 тонн хьоар ийцадар. Из мухь селхан Московски областа Чкаловски аэропорте дӀабахьийтаб, дӀахо Шаьмерча наха новкъостала из дӀахьоргболаш.

Кхоана гуманитарни мухь Шаьме хургба.

Цунца цхьана мехка лаьрххӀа йола пункташ вӀашагӀъехкай, цига наьха таро я тӀабувхабу гӀирс, молхаш, цӀенонна кхоачам, пишкаш хьакхахьа. ГӀалгӀай Республика дегӀаяра Къаман фонд, Россе МВДас лаьрххӀа оттаяьча списках мел эшаш йола хӀама эцаш йоалл», — аьлар Беканаькъан Вахас.

«Дег чура хала хеташ, тӀаэц оаха Туркий мехка, Шаьме нах байна хилара хоам. Итташ эзараш нах чубаха тхов-кӀийле, йӀовхал, яа хӀама йоацаш бисаб.

ГӀалгӀайче цунна юстара юсаргьяц.

Туркий мехка бахача наха дерригача дунено новкъостал лоаттадеш хиларца, массехк халагӀча хьале йисар Шаьме я, цига саькура бетта (февраль) ийслагӀча денга кхаччалца йолча хана, мохк агарах дӀакъайлай тIаводаш йола моттиг», — аьлар, из лоархӀаме новкъостал дувцаш, Келаматанаькъан Махьмуд-Ӏаьлас.

Цо белгалдир, хатар хиннача наха новкъостал дара мехка бахархой сагота ба, новкъостала луш йола хӀамаш гулъеча моттиге хӀара денна молхаш, тайп-тайпара хӀамаш хьакхухьаш, иштта дика дакъа дӀалоацаш я республикан дика гIулакхаш карагIдувла фондаш а.

Карарча хана пункташ хьайийллай ГӀалгӀай Республикан шахьарий, юртий администрацешка. Нахага хоам дӀабаьб хатар хиннача мехка бахачачарна хьалхарча аргӀах эшар фуд хайташ, цар дег тIара новкъостал а ду.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде