Дукха гIаташ йола цIенош де лерхI, вай мехка
Фактор недостатка свободных земель обуславливает необходимость возведение строений повышенной этажности, применение вариантов высотного строительства жилья в республике. Об этом во время встречи с Президентом РФ Владимиром Путиным накануне сообщил Глава РИ Махмуд-Али Калиматов.
ЦIенош доттара белхаш, таханарча дийнахьа, мишта латт республике аьнна, Путин Владимира хаьттача, вай Мехкдас белгалдир, из гIулакх, тахан, РФ Правительствас гIо деш, цу тIехьа, болх дика дIабодаш хилар.
Теркал дир, лаьттай тоам эшабенна хиларах, дукхача гIатех латта цIенош дотта соцам баьлга. Юрташкара, пхьешкара лаьттан доазонаш, беркатегIа хургдолча тайпара, къоастам баь нийсъдеш латт. ТIехьарча хана, вай мехка, гIишлон белхашца дувзаденна хувцамаш да. Хьалха пхе гIател лакхагIа цIенош хиннадеце а, тахан, вай лакхе хьоахадаь бахьан керте оттадеш, шозза-кхозза лакхагIа дола цIенош доттара болх юкъебоалабаьб.
Уж тайпара цIенош къонача дезалашта лаьрхIа деттадар вайцига. Юкъелаьцадар, квартира эца безам болча, къонача дезалашта аьттув хургбараш. Ишттача наькъаца, дуккхача баха болалуча кердача дезала, шоай фусам хилийта гIо де йиш йолаш хулар.
