Вай мехкахоша а лаьцар цу гойтаме дакъа. Дунен туристически ассоциацен доакъашхой байзар гулбеннарашта. РФ туризмах йолча федеральни агенства гIо деш, хIара шера дIакхухьаш я из беркате кхетаче. Дакъа лоацаш хиннача 60 совгIа йолча, Россе субъекташкара баьхкача наха хьекхар шоай туристически кхача, иштта кхыдараш а.

Укх шера, доазол арахьара а дукха нах тIакхийттабар гойтаме. 10 000 совгIа нах бар гулбеннараш. Цига дийцар, турбизнесах дола лоархIамедараш. 2022 шера, туризме цифровой технологеш юкъейоалаяра дош дувцаш конференци дIайихьар. Цига дийцар, цунца ювзаеннача, бизнеса хьал тоадаларах дараш а.

Вай мехкара цига яхача делегацен хьалха хиннар вар, Туризмах йолча комитета кулгалдеш вола, Мизенаькъан Беслан. Вайна беркате болаш дIабахар из гойтам. Байзар дуккха а, цу наькъа тIа, къахьегаш бола нах, царца, массанеца, бувзам хеттар. Ростовереи, Тюменереи баьхкача цу мугIарерча нахаца, барт-цхьоагIо вIашагIъеллар. Туризмах дараш доаржадара тIехьа, къамаьл хилар Беларусера, Витебскера баьхкача хьаьшашца.

Вай мехкара туризмах дараш гойтар ОО «Bella-Tour Кавказ», ООО «Армхи-Трэвэл», ООО «Курорты Ингушетии» яхача туроператораша. Гойтама доакъашхошца цар йицар треккинг, экологически туризм, автотуризм, курортни салоIам.

Республикански стенда тIа, гулбеннарашта яйра — «Легенды Ингушетии», «Край башен и легенд» яха, туристически маршруташ. Иштта, ГIалгIай мехкарча, туризмах йолча, видеороликий презентаци хилар цига.