Эггара тIехьарча мугIаре оттайир Архангельски Кировски. ТIахьожама болхлоша теркалдаьр дар, наькъай хьал тохкача болхлоша дIадеххача тайпара наькъаш хилар.

Хьалхарча мугIаре оттаяьча пхе региона юкъе яхар: ХМАО, Краснодар, Челябинск, ГIалгIайче. Цу регионашкара хьал, эксперташа теркалдаьчох, тахан дIадехачох 80 % кхоачаш да. Архангельске 10,3 процент мара лацац наькъай хьало. 2023-2027 шерашка диллача, 250 моттиг йолаяьй доккхий наькъаш хьалъдара, тоадара тIехьа.

Белгалде деза, дIадахача шера, «Кавказ» яха федеральни никъ тоабеш вай мехка боккха болх дIабихьалга. Лакхача боараме тоадаьча наькъаша йоккха оатто йир дуккхача наха.

2022 шера вай мехка керда Iобила, тоабе лерхI 18 никъ. «Кхераме доаца дика наькъаш» яхача, къаман проекте чубодаш хургба из беркате болх.

Иштта, региональни оагIон новкъосталца тоадергда пхе моттигера наькъаш. 2022 шера дIабахьа лаьрхIа беррига болх 38, 6 км чулоацаш ба.

Наькъаш тоадеш латтача юкъа, машенашца лелачарна хало хул дукха ха йоаккхаш пропкашка латта безаш хиларах, бакъда, тоадаь даьлча хургдолча наькъай хьалага диллача, из вIалла хало яц. Авареш кIезигагIа хургья, лела а аттагIа хургда.