«Россе президента Путин Владимира деш дола керттера кхайкарал да, укх атта йоацача хана, цхьа барт хинна кхотадалар дехаш. Тахан Россе гIолла вай мехкада хьаллоацаш болам ба дIахьош, иштта хьаллоац Донбассе дIахьош йола лаьрххIа операци а.

ГIалгIайче дIакхеташ я Россе дукха миллионаш болча наьха оазах, цхьан багара доагIаш санна йоах, Россе президента дIахьош бола никъ хьаллоац, из тIаберзабаьб моттигашкара экономика, промышленность, юртбоахам дегIабоалабара, вахар тоадара», — аьлар ГIалгIай Республикан кулгалхочо Келаматанаькъан Махьмуд-Iаьлас. Ший телеграм-канале гIолла.

Келаматанаькъан Махьмуд-Iаьлас иштта белгалдаьккхар, ГIалгIайче а цун бахархой а даим хиннаб Даьхе лораяра дола декхар кхоачашдара кийча болаш. Цунна тешал деш ба, вай даьша дIабихьа тIема никъ, дукхача Российски импере тIемашка латаш хьабаьхкарех ба уж, иштта Сийлахь-боккхача Даьймехка тIем тIа а цар доккха дакъа юкъедихьад, моастагIа эшавеш.

«Вай ба, машар болча ханашка а, мехка гIулакха шоай денал, майрал гойтараш. Тахан а да вай йоккха паччахьалкхе лораеча мугIарашка.

Дукха ба тахан Украине дIахьоча лаьрххIача операце дакъа лоацаш бараш. Цар хьагойт шоай майрал, тIехьашкахьа ца боалаш, кхоачашду тIема декхараш. Уж ба, са ца кходеш, моастагIчох латаш. Цхьабараша шоай вахар дIаденнад цига латаш, нийсхон тIехьа йолча Россена цу тIем тIа котало яккхара.

Дуккхачарна Денал хиларах йола орденаш еннай, царех цаI Российски Федераце Турпала лакха цIи енна а ва.

Росси вай Даьхе я! Вайна тIехьа бакъдар да, цу бакъдолчунна тIехьа — низ, хIаьта из я котало!», — аьлар Келаматанаькъан Махьмуд-Iаьлас.