Цу спортивни программа доакъашхой ба Олимпийски ловзарий а дуненна чемпионатий а котбалархой. РСС маIан да, Халкъашта юкъерча олимпийски комитета дар санна.

Шоайла хоам а беш, россе цIихезача спортсменаша, спортсменаш-олимпийцаш, кхыбола цIераш лелаю спортсменаш, хIанз дIаболалуш мара боаца — цу тайпара хьаллоац.

ДукхагIча даькъе, кхоана боагIача ГIалгIайчен хьаьшашта юкъе ба: дика цIихеза бола олимпийски чемпионаш, Европа лоIамеча латара ялхазза чемпион, фехтованех олимпийски чемпион, дуненна чемпион, СССРа спорта цIихеза мастер Никонова Валентина а, иштта кхыбараш а.

Делегаце кертте латт Россе спортсмени сийдола президент, кхозза олимпийски чемпионка, ийссаза фехтованех дуненна чемпионка Горохова Галина.

ГIалгIайчен спорта Министерства хоам бу, царех цхьан доакъашхочо, боксера — говзанча, дукхача турнирашка котало яьхача Байсангуров Хьусана безам барашта мастер-класс лургья боксах. Мероприяти дIаяхьа лерхI «РСШ ОР латарах» ГБУ, тов бетта ворхIлагIча дийнахьа, 11:30 сахьат даьлча.

ШоллагIча ах дийнахьа цIихезача атлеташца пресс-конференци дIаяхьа лерхI из мероприяти вIашагIъеллараша.