Лакха кхерам бола уж моттигаш, иштта терко йоацаш йитар тамаш яь ца валлал хIама да. 20,30 метр гаьна ваьлча мара, кхерама кIалара дIавалац саг. Бакъда, вайцига, цу кхерам лакха латтача доазонашта кIала наха цIенош, гIишлош, бешамаш Iояхкай. Ма даггара уйла е эттача цхьаккха тайпара керта чу Iодужаш хIама дац из! Бакъда, тешшаме гуш да цаI — из болх лелабераша хIара дийнахьа кхерама кIала лоаттаду шийи наьхи вахар! Уж доазонаш техкачул тIехьагIа оттаяь акташ, администрацешка, Ростехнадзоре, Прокуратуре дIа-хьа яхийтай. Уж тайпара моттигаш, ма даггара, дIадувцаш латташе а вай республике хIара дийнахьа гучаювлаш я.

ХIаьта, цхьайолча моттигашка-м энергетикаш, шоай зоне, машенашца дIатIабаха йиш йоацаш бус хийла. Бахьан-цхьаккха бокъо йоацаш дIа-хьа лоац, гонахьара дIалаца йиш йоаца доазонаш. Наха доккха дац аьнна хетача хIамах доккха зе, зулам деш дола хатар эккха йиш я. Из моттиг лораеш дIаваха веза хIаравар!