ГIалгIай ТЮЗо хьажархой гIадбуг, ший кердача балхашца
С начала текущего месяца Театр юного зрителя Ингушетии радует своими новыми спектаклями. На прошлой неделе коллектив показывал «Говорящий кувшин». С понедельника идет показ спектакля «Крысиный бунт», поставленного по пьесе А. Хамчиевой.
ДIадахача кIира коллективо гойтар «Говорящий кувшин». Оршотдийнахьа денз го таро хургья, «Красный бунт» яха спектакль, из оттаяьй Хамченаькъан А. пьесах.
Укх деношка театра зале хиннаб: дукха, дешара кхуврчашка багIа студенташ, дешархой, тайп-тайпара ха яьнна нах.
Масала, «Красный бунт» хьажар Назранерча №15 йолча берий, кагийбарий кхоллама Республикански центра дешархой. Тахан зале ба: Наьсар-Кертерча №6 йолча Юкъерча ишкола дешархой, иштта Илдарха-ГIала №1 йолча Юкъерча ишкола дешархой.
Спектакле гойтача сюжетах а, берашта цунах фу хийттар а дийцар ТЮЗа пресс-секретара ПаргIаланаькъан Марианнас.
«Гаьнарча моттиге хиннача паччахьалкхене хинна вахар да, дукхагIа спектакле дувцар. Керттера роль ловзаер ва Тутайнаькъан Хизар. Тийша болх боаллача цун веший роль ловзаю Гатенаькъан Анзора. Аьлах паччахьа хургвоацаш, цун даь — вошас (Цхьорой Азамата) ший гIулакхашта юкъевоаккх молхаш еш вола саг (Iабенаькъан Мухьмад), иштта паччахьа дарже вала гIерташ волчох цицхолг хьахулийт цо.
Бакъда, юххера а дикадари нийсадари котдоал, даь воша Саламандр а, молхаш еш вар а цицхолгаш хиле бусс.
Бераш чIоагIа хоза хеташ хьожаш хул цу спектаклага. Из йистеяьлча а дIа-юха къаста сих ца луш, шоайла дIа-юха дувц цар цига хиннар», — аьлар ПаргIаланаькъан Марианнас.
