«Керттерча дешаех дийцар цига гулбеннараша. Кагирхой гӀулакхех йолча Къоаршой-Черсий мехкарча министерствон кулгалхо волча Тоторкулов ИбрахӀима аьлар; хӀама хьаде ловш болча, начӀал долча кагирхошта новкъостал лоаттаде деза вай, аьнна. Студенташа кхелла проекташ хьаллоацаш хилар чӀоагӀа лоархӀаме да, аьнна; белгалдир кхетаче. Малсаганаькъан Адама дийцар; кагирхошта юкъера бувзам чӀоагӀбеш, иштта кхетаченашка уж гулбеш хиларо дикка пайда бергба, аьнна. Гулбеннарашта йовза ловра Къоаршой-Черсий мехкара керда кагирхой проекташ, фестивалаш, цхьацца гойтамаш», — йоах тхогарча хоамо. Малсаганаькъан Адама гулбеннарашта дийцар «ТӀаргам» яхача грантови гулламах.