Томске гӀолла машинашца лелара юкъе, дакъа лаьцар цигарча вай къаман наха
19.02.2024 11:22
Даьхе лораеш латтарашта хетадаь, машинашца лелар дӀадихьар Томске. Цига бахаш болча вай къаман наха дакъа лаьцар цу юкъе. Томскерча царна хьалха латташ вар ва Хашенаькъан Сайт-Мухьмад. Из хоам тха газетага бу къаман политикахи бувзамахи йолча министерствон болхлоша.
«Каштакера Ӏойолаенна, Мира, Ленина оалача проспекташка гӀолла Лагерни бешага кхаччалца, яхар хӀара мехка байракхаш тӀаягӀа машинаш. Лагерни беша д1акхаьчача; тӀема, къахьегама гӀулакхаш тӀа белгалбаьннарашта зизаш даьхкар цар», - йоах тхогарча хоамо.
