ГӀалгӀай къаман
юкъара газет

Кердадараш

Ростоверча гIалгIаша гIо дир, Палестинера ехача кхалсага

Палестинера еха йоагIача, халача хьала хьала тIа йолча кхалсага новкъостал дир Ростоверча вай къаман наха. Из хоам «Сердало» газетага бир къаман политикахи бувзамехи йолча министерствос.

«Россе хьакхаьчача, Палестинера боагIача нахацара цхьа кхалсаг цIермашина тIара Iояккха езаш хилар, дегIа тIа цхьалха цахиларах. Дезалхо ве везача кхалсагага цхьадола каьхаташ хиннадац, ший гаргарча нахаца бувзам боацаш яр из миска. Цун гIулакха оарцагIбаьлар Ростове бахаш бола Исмейланаькъан Абукари ТIумхой Илези.

Де дезачунга хьежа, билет ийца, цIермашина тIа дIатIахоайир цар из кхалсаг. Кхоана Iуйран хьакхоачаргья из вай республике, ший гаргарча нахах дIакхета аьттув хургба цун тIаккха», - йоах тхогарча хоамо. Вай Мехкадас цу наха мел эшача хIаман кийчо яйтай.

Палестинера беха нах «Асса» гостинеце Iеш хургба. «Могаш мел дола гIо деш, царна эша кхоачам лоаттабеш, хургда вай», - аьлар Мехкадас.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде