ГӏалгӀайчен кино доахарий толамаш
«Дошо гӏала» яхача Халкъашта юкъерча Х-ча кинофестивала чуйоагӀаш йолча российски журналисташца дӀахьош хиннача пресс-конференце белгалдир, цу даькъ тӀа ГӏалгӀай мохк дика толамаш доахаш хьабоагӀаш хилар, яхаш, дийцар «Сердало» газетага.
ЛоархӀамеча декхарех дувцаш, РФ кинематографе Союза ГӏалгӀайчен даькъа кулгалхочо Зортанаькъан Мадинас къамаьл дир цу даькъ тӀа даьхача лоархӀамеча толамех. Къаьстта, аьлар цо, таханарча дийнахьа «Дошо гӏала» яха фестиваль Къилбаседа Кавказе цаӀ мара яц, халкъашта юкъера боарам болаш. ДӀахо къамаьл деш; цо белгалдир, яхь хӀара шера дукхагӀа яржаш хилар, ГӏалгӀайче кхы а лакхагӀча боарам тӀа яла тарлуш хилара белгало я из.
Режиссера-документалиста Лаврентьев Клима яхачох, гӀалгӀай массаза а хиннаб эггара чоалхане дола фильмаш доахача хана а шоай тайпара балха говзал йолаш из болх дӀахьош, хӀанз а ба иштта. Иштта из хиларо тайп-тайпарча дунен миӀингашка бахача наьха теркам тӀаоз.
