Курски станице йийллача яхье котало яьккхар вай боксёраша
13.05.2026 10:56
Боксах йолча яхье котало йоаккхаш, белгалбаьлар вай спортсменаш. Ставрополерча Курски оалача станице хилар яхьаш. Из хоам «Сердалога» бир боксах йолча Федераце.
«Дикка белгалбаьлар цу яхьашка вай мехкара спортсменаш. Хьалхарча моттиге эттар Янданаькъан Саӏид, Янданаькъан Рамзан, Ӏалбаканаькъан Ӏаддал-Малик.
Ӏалбаканаькъан Абукара борза майдилг кхаьчар», - йоах тхога бенача хоамо. Спортсменашта хьехаш бола тренераш ба Янданаькъан Мухьмад, Ӏалбаканаькъан Ахьмад.
