Гамзатов Расула 100 шу дизара хетаяьча яхье, толам баьккхар вай кадеташа
17.11.2023 10:55
«Гамзатов дагалоаттавар» яхача ерригача Россе яхье дакъа лоацаш хиннача вай кадеташа толам баьккхар. Из хоам «Сердало» газетага бир кадетски корпусо.
«Къамий метташ хьаллоацача «Даьй мотт» яхача ганзо гӀо деш; дӀайихьар кагирхошта, боккхийчарна юкъера яхьаш. Селий халкъа поэт, публицист, прозаик хиннача Гамзатов Расула кхоллам боаржабеш яр яхьаш.
«Эссе» яхача номинацех шоллагӀа моттиг яьккхар кадет волча Долакханаькъан Руслана. 28 балл яьккхар цо. «Исбахьален дош» яхача номинацех 3-гӀа моттиг кхаьчар ЦӀолой Адамга. Уж кийчбеш, царца болх дӀахьош хиннача гӀалгӀай метта хьехархочун Берсинганаькъан Марема диплом делар», - йоах тхогарча хоамо.
Белгалде деза, иштта йоккхача яхьашка кагирхоша котало яккхар – хьехархочо къахьегар долга.
