Одинцовcки куран тӏа дӏайихьача Россе яхьашка белгалбаьлар вай кикбоксёраш
02.06.2026 11:07
Московски областерча Одинцове дӏайихьача Россе яхьашка дикка белгалбаьлар вай спортсменаш. Из хоам «Сердалога» бир мехкарча боксах йолча Федераце.
«76 регионера 1 620 спортсмен вар яхьашка гулвеннараш. Вай мехкарча тоабо ялх майдилг яьккхар цига. Акхенаькъан Ӏаддал-Малик (51 кг), Колой Мовлатгири (86 кг) шоллагӏча моттиге айттар; Беканаькъан ӏаддал ( 54 кг), Бӏазенаькъан Ӏаддал-Малик (67 кг) борза майдилгаш яьхарех хилар. Боккхагӏбарашта юкъе Боканаькъан Абукара дото майдилг яьккхар, Къоастой Ӏаддал-Рахьим 57 кийлах латтача дозале кхоалагӏа моттиг йоаккхаш белгалваьлар», - йоах тхога бенача хоамо.
Вайцигарча тоабаца яхьашка ваха хилар кикбоксинга Федераце президент Коазой Мовсар.
