Гӏалгӏайчен спортсмена, СВО доакъашхочо Ерригроссийски яхье шиъ дошо совгӏат даьккхар
Гӏаьбартой-Балкхарой мехка Ерригроссийски говзанчий яхь дӏайихьар пауэрлифтингах, иштта цун къаьсттача боламах - «Лоамарой Кубок» яккхарах. Гӏалгӏайче гойташ хиннача Дугенаькъан Саӏида цига дика толам баьккхар, шин тайпара хьалхара моттигаш яьхар. Из цӏавера шиъ дошо майдилг яхьаш.
Дугенаькъан Саӏид цига дакъа лоацаш хилар лоархӏаме да. Карарча хана из тӏема декхар кхоачашдеш ва, лаьрххӏача тӏема операце даькъ тӏа. Яхье дакъа лаца цунна карагӏдаьлар, лоаццача хана из цӏавеча дӏахьош хиларах. Бӏухочо гойтар ший лоӏам, низ, цо сий лакха долаш гойтар ший хьамсара республика, иштта ший бӏу.
Толамца цӏавена спортсмен даькъалавийцар Гӏалгӏайчен спорта министра Белхарой Руслана, цо ловца баьккхар, керда толамаш кхы а дукхагӏа цо дахар ловш долча дешашца.
