«Къовсам аттачарех бацар, шинна спортсмена лакха говзал гойтар, котало яккхара яхьебаьнна. Цхьабакъда Хамхой Элберда ший говзал а, низ а, техника а дикагӀа хилар хьахайтар йиълагӀча раунде шийца латаш вар вожавеш», - аьлар «Сердало» газетага ГӀалгӀайчен спорта министерстве. Хамхой Элберд таханарча дийнахьа дика спортсмен санна цӀихеза ва. ВӀалла а ца эшаш, ийсаза котваьннав из - профессиональни бокса ринга тIа иштта ба цун толам, таханарча денга кхоачаш. Вай боксёр дика дийша а ва - из ва ГӀалгӀай паччахьалкхен университет, Къулбехьен Федеральни кура тIара университет яьккха.