Гӏалгӏай боксёр Фаьрганаькъан Хьамзат котваьлар Сыктывкаре
Цӏихеза гӏалгӏай боксёр котваьлар, Россе 2026-ча шера дешархой Хӏӏ-ча ахкан Спартакиаде, яхаш, хоам бу «Сердало» газетага ГӏР бокса Федераце.
«Коми Республике, аьтинга бетта 28-ча денгара 4-ча денга кхаччалца, берригача мехкара тӏоарска кулгахйоаллорга говзанчаш латаш хилар. Котало яккхара тӏехьа, вай спортсмена гойтар дика техника, котало яккхара ший чӏоагӏа лоӏам хилар. Хьалхарча латаре цо эшавир Ростовски областера спортсмен, йиллача ханал хьалха котало гойта. Цул тӏехьагӏа, Хьамзата эшавир Москвера, укх шерарча Россе Хьалхален котвалархо, чот 5:0 йолаш.
Башкортостан Республикера боксёр а эшавир вай спортсмена 5:0 йолаш. Дошо совгӏат даларал совгӏа, начӏал долча вай спортсмена Кубок елар «Котало яккхара лоӏамах», - аьлар тхога хоам баьчо.
Белгалду, Хьамзата боксёра говзал ӏомаеш ба Булгучанаькъан Мухьмад, Тимур. Сыктывкаре яхьашка водаш, из накъавоаккхаш вар Булгучанаькъан Мухьмад.
«Даькъалавувц боксёр а цун тренераш а цу толамашца, керда котало яккха аьттув хилба халкъашта юкъерча, ерригроссийски яхьашка!» - аьлар спорта министерствон зарбан болх лелабеча Гӏаппархой Аишас.
