«Даьхен лорбой» яхача ганзо 300 совгӀа гӀулакх чакхдаьккхад
Лорашкара, психологически, юридически, ЖКХ оагӀонца гӀо эшача наха, Ӏаьдалгара лаьттан чӀегилг, иштта кхыдараш дехарашта; могаш дола гӀо деш хьабоагӀа «Даьхен лорбой» яхача ганза республикерча филиала болхлой. КхоалагӀа квартал хьаийцача, 300 наха тӀадена гӀулакх кхоачашдеш болх дӀабихьаб цар.
«Мехкадаь, паччахьалкхен зарбан болх лелабераша белгалдечох, кагирхошца лоархӀаме, Даьхенцара безам чӀоагӀбеш йола кхетаченаш дӀакхухьаш, тӀема операце доакъашхой бераш тайп-тайпарча культуран, спорта оагӀонцарча боламашта юкъелоацаш, болх хьабахь цар.
«Филиала керттера декхар - наха тӀадахьаш мел дола гӀулакхаш техка, кхоачашде аьттув хургболча тайпара шоай болх тоабар.
ЛоархӀаме да, хӀара сага гӀулакх тахкар, гӀо дар. ХӀаьта таханарча дийнахьа из царна боаггӀача боараме карагӀдоал ала йиш я.
