РСХЦ филиало дикагӀа дола ги дӀаде гӀо ду ахархошта
12.03.2024 09:18
Ялат дӀадувш йола ха хьатӀаотташ латтарга хьежжа, ахархошта эшаш дола новкъостал деш я Россельхозцентр. ДӀаде дикагӀа дола ялат хоржаш, боккха болх дӀахьош я из.
«Сердало» газетага из хоам бир цигарча болхлоша. ЦӀена, тӀаьда доацаш, дикка хьатӀадоалаш дола ялат да хоржар. 1000 тайпара ги хьаийце, дӀахьош ба из болх. 430 тонн дӀадувш дола ялат да хьатӀадалара миштад тахка дезар.
«ГУП «Магас» яхача моттига дӀачубеннаб мукх - 50 тонн, ГУП «Оскананаькъан» - мукх «Ассоль» 1РС 200 тонн, ГУП «Илдарха-ГӀала» - мукх «Ассоль» 1РС 40 тонн, бӀаьсти дӀабув мукх «Вакула»2РС 40 тонн, СПРК «Ама» - мукх «Богатырь» ЭС 100 тонн», - дийцар тхога республикерча РСХЦ.
