3000 совгӀа наьха дехараш тохкаш, болх баьб «Даьхен лорбой» яхача оагӀоно
«Даьхен лорбой» яха ганз хьакхоллаш РФ Президента амар денна Ди дездеш, хилар селхан мехка. Ганза гӀалгӀай филиало 3000 совгӀа наьха дехараш тохкаш болх дӀабихьаб республике. Из хоам «Сердалога» бир цу моттигера.
«Вахара хьалашка хьожа нах хӀара денна къахьегаш ба, наьха хьашташ теркалдеш. СВО доакъашхой, цар цӀагӀарча наьха вахарера кхоачамбоацараш нийсдеш 92%-га кхоачаш болх чакхбаьккхаб цар цхьан шераи итт беттаи.
Дарбанче чакхбала, психологически, юридически гӀо де, тӀема оаперацен юкъе дакъа лацарах доагӀаш дола ахча хьаэца, тӀема ветерана удостоверени хьаэца новкъостал де, лаьттан доазув къоастаде шоашта, яхаш, тӀаихар нах дукхагӀча даькъе», - йоах газетага бенача хоамо.
«БӀухошта эшаш долча хӀаманга хьажар, цар дезалашта тӀалатта хало яйяр да вай керттера декхар. Массайолча оагӀорахьара царна дезаш дола хӀама Ӏалашделга, Ӏаьдала уж дагабоахкилга, цар оагӀув хьаллоацаш болга дӀахайташ хилар лоархӀаме да тахан. Къамаьлаца доацаш, гӀулакхашца хила деза новкъостал, гадаккхар», - белгалдир ганза хьалха латтача Оздой Муслима.
